في عيونك شفت لمحة وفقلبي سؤال

في عيونك شفت لمحة وفقلبي سؤال
هذي النظره بريئه او [ تجيبيني ] ورى

انتي عز وبنت عز وحضرتي معدوم حال
يعني وشجاب الثريا تجلس بحضن الثرى

هذا ضرب من الجنون وبين قوسينه محال
شي ما داعب خيالي لا ولا فبالي طرى

وش يجيبه قلب قاسي عند ترفات الدلال
يا مليكة وجه شاحب فيك انا ضايع ترى

كيف ادلل حسن طاغي فوق توصيف الخيال
كيف اقابل عود ~ غيدا ~ لا تثنّى ثم سرى

خايف اني لا بغيت .. افتح الى قلبي (( مجال ))
تفضح .. اللهفه مشاعر شافت اللي [ ما يرى ]

ويش اسوي لا غدى الواقع مع الحلم بجدال
كيف [ اببسط له ذراعي ] وانا بعيوني ..كرى

ولا غدت بسمة شفاتك كنّها ساحة قتال
فارسك كبوة .. جواده .. تنبئك وشهو جرى

قدك وجيدك وخدك حسن .. ايات الجمال ~
ان جيت ابوصفهم زهمني خصرك وقام افترى

يا بنت يا بنت ( الاكابر ) الولع شين ويقال ..~
الحب من [ بدء الخليقه ] لا يباع .. ويشترى

الحب مش تحصيل حاصل عندي ( الحب ) راس مال
يعني .. من دونه شعوري .. عمر ما جرحه [ برى ]

الحب نجمه في السما بالمختصر [ صعب ] المنال ..~
وان كانت الريح اعصفت قلبك فشوفي له ذرى

بيني وبينك فرق واضح ((مابها روح وتعال ))
انتي تحبين المدن .. وانا متيم [ بالقرى ]

انتي [ كنوزك ] لا تعد .. وانا فحسابي نص ريال
انتي يرحب بك هلا .. وينهان قدري اشكرى

ارجو سموك في ادب يا صاحبة كل الجلال ..~
يغفر معاليك الهوى ما خط اقلام وقرى ..~

لا تعشقيني واعشقك واهيم في [ شخصك ] وصال
خليني اخر من وقف صفك على طول السرى

ولا تنشدين (( الحب )) عندي في دعى ولا ابتهال
الحب ما يوم احتريته لا و لا هوى احترى

وعيشي حياتك في غنى عنّي وانا بنسى السؤال
دام السؤال يجيبني ... ارجع بخطواتي .[ ورى ]

يا بنت حبتني وانا ( معدوم ) حال بقل مال
متأمل شلون الثريا .. تنام في( حضن ) الثرى ..~

منقول