صَـآر الحُـبّ عِـيـبْ ..!!

.
.
.
احتـرس إنـك تحـس بإحسـاس غريـب
صحصِـح وفكّـر وسكّـر بوجهـه البـاب

ولا تـحـب حـد لا مـن بعيـد ولا قـريـب
أصـلاً الحـب بهالـزمـن قلـق وارتيـاب

وسهـر وقهـر وحـالـك يصـبـح مُـريـب
وتنشغـل عـن ناسـك أهـلك والصحـاب

احتـرس خُـذ بـالك مـن الأمـر العجيب
مـا شفـت بحياتـي حـب ناقـص عـذاب

علمونا الحب وقالـوا قسمـة ونصيـب
والعجيـب كيـف نرضى نحـب الغيـاب

أنا حبيـت واكتفيـت من قهـر المغيـب
وسهـرت اللـيـل أنـدب هجـر الأحبـاب

واكتشفت انه الحـب منّـي مـا يصيـب
إلا حسـرة تـدق بـاب قلـبـي بـانقـلاب

وظلّـيـت يومهـا أدوّر لنفـسـي طبيـب
وأعالج خفوقي مـن جنـون الإرتيـاب

صـرت بشبابـي أشتكـي هـمّ المشيـب
وعشت آسـف عليه فـي عـزّ الشبـاب

غرنـي الزهـد بحياتـي وظنّتـي أديـب
واعتـقـدت ان الحـب محتـاج لخطـاب

أتـاري الحـب يـا شيـخ أمـره صعيـب
وكل اثنين أحباب يطلـع بينهـم كـذاب

إلا من رحـم تـرى مـا تخلـى وتخيـب
فيه ناس عندها الإحسـاس ما يغتـاب

ويوم يفقد حبيبه يعيش عمره نحيـب
تلقى دفتـره مليـان شعـر مـن الكتـاب

وان قـال قـولـه تكتـشـف انـه خطيـب
بس لا يغرك انه مـا ذاق مـرّ التـراب

ومـا عـاش بحرقـة ونـار قلبـه لهيـب
هذا حب ما هو لعبة تنشدها بالألعاب

وتظن نفسك خبير بأمره وإنـك لبيـب
الحب يا شين فعله وأفعاله إن صـاب

الشقـا والقـسـوة طبعـه والـذل يجيـب
ويعمـل فيـك عمـل أسـود قبل الذهاب

أقـول قـولـي ولا تجادلنـي فـي عتـاب
ترى مريت بأيام لا رقيب ولا حسيب

وطلبت من ربـي يغفـر زلّـة الأسبـاب
لأنه في هالمجتمع صار الحُـب عيـب

15/6/2013